立夏號｜四十歲之前關於舞蹈家余彥芳的那些關鍵字

四十歲之前關於舞蹈家余彥芳的那些關鍵字

旁白：宋菁玲

腔調：四縣腔

 

【華語文稿】

若是不認識余彥芳，搜尋她的粉絲專頁，上頭除了姓名還附贈找幾個關鍵字——表演、編創、教學。前兩項，正好能以剛完成重演的《關於消失的幾個提議III》（後簡稱《消失III》）來說明，那是一支紀念父親的獨舞，也是她近年叫好叫座、入圍第十八屆「台新藝術獎」的創作；而後者，則落實於持續耕耘的「默默工作坊」。課堂教授「接觸即興」時，學員形容她天生帶著風一般的特質，展現了另一種與人相處的可能。進一步點進她的個人簡介，「中壢客家人」作為第一行字映入眼簾。

談起客家，她能滔滔不絕解釋大眾基本印象的建構來由；也可以談客家在台灣的族群位置與狀態；還能講到皇民化運動底下客家人的生存之道。很難想像，小時候的余彥芳是個只說中文的小孩。「因為國語運動的影響，即使我爸那輩和阿婆那代彼此會說客家話，但他們和我只說中文，應該是因為很怕小孩有客家口音，這在當時是會被笑的。就連我也會笑我爸。」

感情深厚且緊密的大家庭，隨著阿公、阿婆等人離世逐漸淡薄，到了前幾年連二伯也走了，爸爸頓失說客家話的對象。消失的不僅是語言，還有屬於客家人群聚時的舉手投足、音頻、移動方式等，余彥芳開始意識到自己的客家身分不知如何定義，於是才回頭想緊抓即將消逝的根基，她因此開始和爸爸錄家族史。

家族史靈巧地出現在獨舞《消失III》中。自小習舞的余彥芳，除了肢體好、學習力快、創造力也高，還有種不服輸的精神。學舞的契機，源自鄰居小孩的較勁。「小時候，隔壁小朋友學跳舞，穿著粉紅蓬蓬裙把腿劈開，將胯塞到牆壁那邊。我說，『我也會啊！』當時只穿著普通的便服，但我就劈，結果我比她還開！」余彥芳的兒時生活，正逢台灣經濟發展蓬勃的年代，父母做生意也忙，就讓她學舞去了。因為一學就會，老師見她機靈，還給她一張ALL PASS卡，沒事就能到舞蹈社去。帶著愛上跳舞的狂熱與很能跳舞的直覺，她一路從民族舞、芭蕾，還有為了升學而練的現代舞，最終遇見了即興舞蹈，從中獲得「想像和行動能夠結合在一起」的感受。她的機智、反應、選擇、想像力，這些在其他舞種或許不怎麼重要的特質，在即興舞蹈中卻找到安放的處所。
 

 

【客語文稿】

係講你毋知麼人係余彥芳，就去尋厥粉絲專頁看看啊，裡背除忒名仔以外，還有幾隻重要个關鍵字——表演、編創、教學。前兩項－表演同編創，堵好做得用正重新演出過个作品《有關消失个幾隻提議III》來說明，這係一支紀念阿爸个單人舞蹈，也係佢這幾年當受歡迎同阿????、入圍了第十八屆「台新藝術獎」个創作；第三項－教學，就在佢持續耕耘个「默默工作坊」充分展現。課堂項教「接觸即興」个時節，學員形容佢天生就帶等像風共樣个特質，展現了另外一種同人相處个可能性。再過進一步點落去看厥個人簡介，第一行看着个字就係「中壢客家人」。

講着客家，佢做得講出當多社會大眾仰會有該兜基本印象个原因；乜做得講出客家在台灣个族群地位同狀態；還會講着在皇民化運動个時節，客家人个生存方法。你可能看毋出來，還細時節个余彥芳係一個淨曉得講華語个細人仔。「因為國語運動个影響，就算吾爸該輩同阿婆該代，講話个時節會講客家話，毋過佢兜同淨講華語定定，應該係因為驚細人仔講話會有客家口音，這在該隻時代會分人笑。就連乜會笑吾爸。」

本旦感情當深、關係當好个大家庭，在阿公、阿婆過身過後，聯絡就緊來緊少，到前幾年連二阿伯乜過身了，阿爸想愛講客話都尋無人好講了。消失个毋單淨係語言，還有客家人共下个時節該兜特別个動作、聲音同生活方式，余彥芳開始感覺着自家个客家身分毋知愛仰仔去定義，故所正想愛去尋轉該兜就會毋見忒个源頭同基礎，因為恁樣佢就開始同阿爸錄家族史。
 
家族史當適當又巧妙个出現在單人舞蹈作品《有關消失个幾隻提議III》當中。自細就學跳舞个余彥芳，身體條件當好、學習當遽、創造力乜當高，還有一種毋肯認輸个精神。
該央時仰會去學跳舞，還係因為心肝肚想愛同隔壁鄰舍个細人仔比輸贏。「還細時節，鄰舍个小朋友學跳舞，著等水紅色个膨裙同兩隻腳劈開，同胠罅下塞到壁該片。講，『乜會呀！』該央時淨著等普通个衫褲，就恁樣劈下去，結果劈到比佢還較開！」余彥芳个童年生活，堵好堵着台灣經濟發展到當遽个年代，爺哀做生理也當無閒，就分佢去學跳舞了。因為一學就會，先生看佢恁精，還分佢一張ALL PASS卡，平常無事就做得去舞蹈社。帶等當好跳舞个熱情同當會跳舞个能力，佢一路對民族舞、芭蕾舞，還有為着升學正去練个現代舞，盡尾總算跳着即興舞蹈，乜對這當中得着了「想像同行動做得結合共下」个感受。佢个機智、反應、選擇同想像力，這兜在其他舞種可能無麼个重要的特質，在即興舞蹈當中嗄尋着了安放个位所。