2026-02-18 : 14點、16點、18點新聞 - ​​​​​​大年初二禁忌

各位鄉親朋友大家好，我是《客話新詞麼儕知》的節目主持人羅盛滿（阿滿仔），祝福大家馬年一馬當先開新運、什麼都有、什麼都好，人人馬上有錢賺大錢。

今天是農曆大年初二，在傳統的習俗上，年初二是回娘家的日子。提到「回娘家」，就是讓出嫁的女兒能回家跟家人團聚見面，但現今時代不論女兒出嫁與否，想要何時回家都行，早就沒以前的禁忌，更重要的是有想回家跟家人團聚的心。

大家經常聽到：「大年初二回娘家」的習俗，據悉起源來自明太祖朱元璋，當時朱元璋的女兒安慶公主，嫁給一個家境貧困的夫婿歐陽倫，因懷念過往富庶生活，安慶公主趁春節時跑回娘家，想跟父母一起過年。朱元璋看不下去，就送她一副對聯，對聯上寫著「羊跪乳，媳敬婆」，橫批「天經地義」，叫女兒先跟公婆拜完年、初二再來，成為初二回娘家拜年的習俗。

此一傳說究竟是否為真，已不可考，不過歷史上真的有安慶公主其人，她是明太祖朱元璋第四女。洪武十四年下嫁駙馬都尉歐陽倫，但歐陽倫仗恃駙馬頭銜，在洪武末年，偷偷派人在境外販賣茶葉，其家奴又蠻橫，在過河檢查的時候擅自毆打侮辱官吏，官吏不堪忍受上報。朱元璋獲悉大怒，以王子犯法與庶民同罪，賜死歐陽倫，結局卻是悲劇。

農曆正月期間回娘家，稱為「歸寧」、「回門」，女兒回娘家時，須帶「伴手禮」以表示孝敬父母之意。通常在中午宴請，並不允留到天黑吃晚飯，以防娘家被吃窮。又因為女兒出嫁形同外人，回娘家也稱「做客」；意思就是不把自家養大的女兒當一家人了，甚至還禁止女兒在娘家動刀、刷鍋，女兒、女婿同房等，意指會帶走娘家財運、人丁、運勢，防女兒就像防賊一樣，感覺極不友善。

但在此同時，習俗上又要娘家在這天指派兄弟或子姪到女婿家「搬請」、「帶路」，以表慎重，同時也在預防婆家搬出諸多理由不讓媳婦回娘家。上述的作法似乎是矛盾的；一方面對女兒回娘家後的行為千防萬防，另一方面卻又擔憂女兒回不了娘家。但如果從實務面進行剖析，似乎也能體察到老祖宗們的大智慧。

最後阿滿仔邀請大家，初二回娘家走春之餘，也別忘了繼續收聽講客廣播電臺的節目哦！我是《客話新詞麼儕知》的節目主持人羅盛滿（阿滿仔），祝福各位鄉親馬年好運加碼、Money多多，更重要的是大小朋友一起來天天講客、天天快樂笑哈哈。以上習俗故事是羅盛滿整理報導，感謝您的收聽。

 

【客文版】

鄉親朋友大家好，𠊎係客話新詞麼儕知个節目主持人羅盛滿、阿滿仔，祝福大家馬年一馬當先開新運、麼个都有、麼个都好、儕儕馬上好額賺大錢。

今晡日係舊曆年初二，在傳統个習俗項，年初二係轉妹家个日仔。講著「轉妹家」，斯係分出嫁个妹仔做得轉屋下去摎屋下人團聚見面，毋過現下个時代無論妹仔敢有行嫁，想愛哪時轉屋下都做得咧，早斯無老頭擺个該兜禁忌，還較重要个係，有想愛轉屋下摎屋下人共下團聚个心。

大家長下聽著：「年初二轉妹家」个習俗，聽講起源係來自明太祖朱元璋，該量時朱元璋个妹仔安慶公主，嫁分一個屋下當窮苦个老公歐陽倫，因為安慶公主當懷念頭過豐湧个生活，安慶公主就在春節該下走轉妹家去，想愛摎爺哀共下過年。朱元璋看毋下去，就送佢一副對聯，對聯頂項寫等「羊跪乳，媳敬婆」，橫批寫「天經地義」，喊妹仔先摎家官、家娘拜年、初二再過轉來，斯變成講年初二轉妹家拜年个習俗。

這隻傳說到底係毋係正式个，這下早斯無法度考證，毋過在歷史項正經有安慶公主這儕人，佢係明太祖朱元璋个第四個妹仔。明朝洪武十四年，嫁分駙馬都尉歐陽倫。但係歐陽倫靠勢駙馬這隻頭銜，在洪武末年，偷偷仔派人在境外賣茶米，歐陽倫个使用人、就係這家僮人又當惡、橫打直過，在過河檢查个時節大主大意儘採打人侮辱官員，官員忍毋核斯摎頂頭報告。朱元璋知得這件事情後當火大，以皇子犯法摎百姓係共樣个罪，下令歐陽倫自家割頸，這結尾顛倒係一隻悲劇。

舊曆正月期間轉妹家，安到「歸寧」抑係「回門」，妹仔轉妹家个時節，愛記得帶「等路」，表示講有孝爺哀个意思。一般來講斯在當晝頭食飯，做毋得留到斷烏後、還留下來食夜，預防外家分妹仔賊食窮忒。又因為妹仔出嫁斯變做像形外人樣，所以轉妹家乜安到「做客」；意思就係無摎自家畜大个妹仔準做共一屋人咧，甚至還禁止妹仔在外家肚擎刀仔用摎洗鑊仔這兜，還係講妹仔摎婿郎戴共間房都做毋得，這意思就係代表會摎外家个財運、人丁、運勢這兜都帶等走，防妹仔斯像防賊仔共樣，分人感覺當毋好。

毋過在年初二這日，習俗項又愛外家在這一日，派兄弟抑係姪仔到婿郎屋下「搬請」摎「帶路」，表示外家佢兜个慎重，同時乜預防老公屋下搬出盡多理由毋分心臼轉妹家。頭下講著个做法像形係有矛盾个；一方面對妹仔轉妹家後个行為千防萬防，另外一方面嗄又愁講妹仔無法度轉妹家。毋過係講對較實際項來看，像形乜做得體會著老祖先佢兜个大智慧。

包尾阿滿仔邀請大家，年初二轉妹家行春拜年个時節，乜愛記得持續收聽講客廣播電臺个節目哦！𠊎係《客話新詞麼儕知》个節目主持人羅盛滿（阿滿仔），祝福各位鄉親馬年好運加碼、Money多多，還較重要个係大人細子共下來日日講客、日日快樂笑哈哈。以上習俗故事係羅盛滿整理報導，承蒙你个收聽。