2026-02-18 : 11點、15點、17點、19點新聞 - 大年初二禁忌

（轉載雲林縣國際傑人會）

各位鄉親朋友大家好，我是《客話新詞麼儕知》的節目主持人羅盛滿（阿滿仔），祝福大家馬年一馬當先開新運、什麼都有、什麼都好，人人馬上有錢賺大錢。

今天是大年初二，阿滿仔要來分享一些，你一定要知道的大年初二禁忌。

1.回娘家伴手禮準備雙數「回門禮」。

出嫁女兒會帶丈夫和兒女一起回娘家拜年，視為「迎婿日」，同時也要注意需要準備「辦手禮」和「紅包」回娘家，也可以準備些餅乾和糖果分送給娘家的小孩；要注意攜帶的禮物或禮金都要成雙數，如以單數則代表不吉利，恐怕會影響一整年運勢。

2.初二無法回娘家怎麼辦？

如果因有事沒辦法回娘家，則是可以將穿過的衣服寄回娘家，就能代表自己有思念回娘家心願，也可以在農曆2月2日補回娘家。

3.岳母送禮要特別注意

如新婚未滿一年女兒回娘家，吃完午飯後，岳母要準備兩隻雞送給女兒和夫婿，代表祝福兩人可「早生貴子」；如女兒第一次帶小孩回娘家，就要必須送上「雞腿」，另外也可以用紅線將古錢繫在外孫脖子上「結彩帶」或改贈送紅包取代。

4.忌午睡

大年初一、初二白天都不可以午睡，防止會造成整年都會感覺精神懶惰也會影響事業運；此含意是指過年期間會有很多客人到家裡拜年，如果睡午覺會導致對客人失禮。

5.開年飯要選在中午

傳統初二則是一年新的開始稱「開年飯」，這一頓就要有魚有肉豐盛，如準備長年菜、發糕和餃子則會帶來好運。宴請時間記得選在中午，切忌不要留到煮晚餐會有「吃到底」意思，會替娘家帶來厄運。

還有像是忌洗衣服、忌討債、忌倒污水及垃圾，也忌掃地、不能說不祥話，這些禁忌都是過去傳統留下來的習俗，也許來源不可考，但是有些長輩依舊會相當相信，年輕一代也要多遵守長輩禁忌，在過年期間就多說吉祥話和逢人拜年，也可以在初二回娘家說吉祥話，讓自己在新的一年，都能好運連連、財運滾滾來。

最後阿滿仔邀請大家，大年初二回娘家走春拜年時，也記得持續收聽講客廣播電臺的節目哦！

我是《客話新詞麼儕知》的節目主持人羅盛滿（阿滿仔），祝福各位鄉親馬年好運加碼、Money多多，更重要的是大小朋友一起來天天講客語、天天快樂笑哈哈。以上習俗是羅盛滿整理報導，感謝您的收聽。

 

【客文版】

各位鄉親朋友大家好，捱係《客話新詞麼儕知》个節目主持人羅盛滿（阿滿仔），祝福大家馬年一馬當先開新運、麼个都有、麼个都好，儕儕馬上好額賺大錢。

今晡日係年初二，阿滿仔愛來分享一兜，你定著愛知个年初二禁忌。

第一、轉妹家帶个等路愛湊雙，這斯係「回門禮」

出嫁个妹仔會渡等丈夫摎大細共下轉妹家拜年，乜係「迎接婿郎轉來个日仔」，同時乜愛注意愛準備「等路」摎「紅包」轉妹家，乜做得準備兜餅仔摎糖仔送分妹家个細孲仔；愛注意帶去个禮物抑係禮金都愛湊雙，若講係單數斯代表毋吉祥，怕會影響歸年个運數。

第二、初二無法度轉妹家愛仰結煞？

係講因為有事情無法度轉妹家，該斯做得摎著過个衫褲寄轉妹家去，就代表自家有思念妹家、有想轉妹家个心，乜做得在舊曆二月初二補轉妹家去。

第三、丈人哀送禮愛特別注意

比論講，新婚吂滿一年妹仔轉妹家，食過晝後，丈人哀愛準備兩隻雞仔送分妹仔摎婿郎，代表祝福佢兩公婆做得「早生貴子」；還係講，妹仔第一擺渡細孲仔轉妹家，就定著愛送「雞髀」，另外乜做得用紅線仔摎銅錢繫到外孫个頸根項「結彩帶」抑係改做送紅包取代佢。

第四、做毋得睡當晝

年初一摎年初二个日時頭都做毋得睡當晝，正毋會造成歸年都分人感覺精神毋好、當懶尸恁樣形，恁樣做乜會影響事業个運途；這個意思係講，過年期間會有當多人客來屋下拜年，若講睡當晝會對人客當失禮。

第五、開年飯愛選在當晝頭

在傳統項，年初二係一年新个開始，安到「開年飯」，這一餐就愛有魚仔、有肉氣，愛煮豐沛兜，像係愛準備長年菜、發粄還過水餃，這兜代表會帶來好運。開桌食飯个時間記得愛選在當晝頭，千萬毋好留到煮夜，會有「食到底」个意思，會摎妹家帶來惡運。

還有像係毋好洗衫褲、毋好討債、毋好捨屙糟水摎倒垃圾、乜毋好拚掃，乜做毋得講毋吉祥个話，這兜禁忌都係頭擺傳統留下來个習俗，來源可能無辦法考證咧，毋過有兜世大人共樣還係當相信，後生人乜愛多加遵守長輩个禁忌，在過年期間就多講吉祥話、看著親戚長輩愛記得喊人、拜年，乜做得在年初二轉妹家該下講兜吉祥話，分自家在新个一年，都做得好運連連、財運滾滾來。

包尾阿滿仔邀請大家，年初二轉妹家行春拜年个時節，乜愛記得持續收聽講客廣播電臺个節目哦

𠊎係《客話新詞麼儕知》个節目主持人羅盛滿（阿滿仔），祝福各位鄉親馬年好運加碼、Money多多，還較重要个係大人細子共下來日日講客、日日快樂笑哈哈。以上習俗係羅盛滿整理報導，承蒙你个收聽。