｜專訪：羅思容老師 「落腳南庄」 一落腳土地燒暖，一回頭山水微笑，跈等中港溪行過種茶、焗腦。｜

【思容个蘊摎韻】

「落腳南庄」係客委會个案子，因爭好朋友个關係，選擇落腳南庄，正發現原、客融合个靚。

一落腳土地燒暖，原來係一種生活个簡單，燒暖跺著土地个腳，一回頭山水微笑，只要心想愛摎這位連結，就會看到微笑。

在中港溪个心跳摎山神个敨氣肚，感受到南庄山水个靚，原來人做得恁樣个生活等。

【講麼該】

詩作「行過貓貍」，賽夏姑娘摎貓裡个細阿妹聽阿公講古，在山川摎古人肚，行過貓狸个頭擺。

賽夏个相借問「請你好好敨氣」、貓裡个「食飽吂？來尞 」，白沙屯个媽祖婆，遶山涉河、穿街走弄，陣頭个北管鑼鼓連天「進啊...進啊...」烏水溝還在。

一盤滷香魚傍等覆菜肉丸鯊，大安溪流接到房裡溪鹹草香，係一種安頓，定貼心肝个味續。

 

【播放歌曲】

落腳南庄/羅思容與孤毛頭

落腳南庄/羅思容與孤毛頭