:::
線上收聽
漢你保衛地球 週六至週日 22:00-22:59

週一至週五1100、1300、1500、1700、1900講客三分鐘新聞

播出時間: 2022-05-10 17:00 講客電臺節目組 2022-05-10:下午17點新聞

2022-05-10:下午17點新聞

國內疫情消息
中央流行疫情指揮中心今晡日公布國內新增50,828例COVID-19確定病例,分別係50,780例本土個案同48例境外移入;另確診個案中新增12例死亡。根據指揮中心統計,這滿國內總共有448,323確診病例,分別係11,963例境外移入,436,306本土病例,另外總共有943死亡病例。

 

蘇貞昌:持續向國外增購快篩試劑 縮短到貨時間
針對國內疫情个部分,中央流行疫情指揮中心表示,本土病例數持續增加,按算5月下旬病例會增加最多,目前本土病例當中,無症頭、輕症頭比例係99.76%,另外,境外移入部分雖然有下降,但係還係有風險。行政院長蘇貞昌今晡日表示,會繼續向國外買快篩試劑也會減少到貨時間,也請中央流行疫情指揮中心繼續依照地方政府需求,提供居家隔離者同確診者个公費還有免費快篩試劑。
 

鍾肇政辭世兩週年 客庄書店辦講座「用相片講鍾肇政个客家路」
「客家文學之母」鍾肇政過身會兩年咧,新竹縣竹北市客庄个「或者書店」在這禮拜日(5/15)舉辦一場「客家運動个精神領袖:用相片講鍾肇政个客家路」座談會,現場由長期研究客家个楊國鑫主講,引言人由台北市客委會前主委曾年有擔任。楊國鑫係新竹縣內思高工教師、也係國立中央大學哲學研究所博士,該日會以海陸腔客家話搭配照片个方式講述鍾肇政一生為客家打拚个故事。

 

邀請鄉親以輕鬆方式來聽鍾老个故事。