:::
線上收聽
唱歌跳舞一等讚 週日 21:00-21:59

週一至週五1100、1300、1500、1700、1900講客三分鐘新聞

播出時間: 2022-05-10 11:00 講客電臺節目組 2022-05-10:上午11點新聞

2022-05-10:上午11點新聞

美國暫時停徵收烏克蘭鋼鐵進口關稅
在俄羅斯軍隊攻擊烏克蘭馬立波鋼鐵廠个時節,在地鄉親連續對鋼鐵廠撤離。美國商務部長雷蒙多當安腦烏克蘭鋼鐵產業个重要性,表示這隻產業還持續運作,13个烏克蘭鄉親斯有1儕投入這隻產業,係大家个重要个經濟來源。米國對2018年3月開始對進口鋼鐵加收25%關稅來保護國內產業,但係少數幾個國家毋使納稅。議員摎企業領袖盡早斯呼籲總統拜登取消關稅,協助烏克蘭經濟受著个經濟影響。

 

烏克蘭記者無驚威脅全力報導俄羅斯攻擊烏克蘭个情況 得著普立茲特別褒揚獎
普立茲獎主辦單位紐約哥倫比亞大學公布2022年得獎名單,委員會摎「特別褒揚獎」頒發分烏克蘭記者。安腦佢兜勇敢、堅持報導俄羅斯攻擊烏克蘭个新聞,煞猛尋出真相。雖然堵著戰爭攻擊、甚至死亡个威脅,佢兜還係堅持下去,煞猛提供大家正實个畫面,大家愛摎烏克蘭還過全球各地个記者致上最大敬意。


天時資訊
中央氣象局表示,今天風向轉做偏南風,各地大體係水氣偏多還過翕熱个天時,各地可能有落風時水个機會,對中南部發展出來个對流雲系會跈等風向北徙,應當特別留意過晝以後西半部摎其他山項所在會有落大水个機會。溫度方面,早暗各地低溫約21到23度,日時頭預估高溫東半部係28、29度,西半部30到32度。拜三台灣就近風場轉做偏南風,天氣過較燒暖,各地白天高溫來到30度左右,共樣水氣係偏多,各地還係翕熱个天時,尤其過晝以後各山項所在會落水。週四鋒面偎近,大氣環境又無穩定,中部以北摎東北部會有落風時還有落大水个機會。